Efsane vatan sevgisiniñ timsali olğan Altın Beşik aqqındadır. Eki qabile arasında uzun zaman devam etken duşmanlıq neticesinde dağlılar qabilesi ğayıp olıp bite. Dağlılar qabilesiniñ ükümdarı Vatanınıñ timsali olğan Altın Beşikni duşman közüne körülmez ete. Efsanege köre, Altın Beşik alâ daha Qırımnıñ dağlarında gizli tura eken. Efsane balalarğa merhametli, adaletli olıp, başqalarğa zarar ketirmemekni ögrete.